Let your soul fly ‧Travel & Experience

去旅行，或者去個快閃 trip 其實都係想比自己抖下氣 relax 下。 正所謂偷得浮生半日閒，首爾 coffee shop 林立，想搵 d 少遊客 d 又有d 特式既可以考慮下呢三間。 The Famous Lamb ( 더페이머스램) 坐凌晨機然上坐上subway 頭班車去酒店check in, The Famous Lamb 岩岩遇著剛剛 就係隔離。等多陣剛剛好8:30am 有早餐吃 ，佢地個 breakfast buffet 都十分豐富，有多種唔同款既Bread 好似法包、墨魚汁包、牛奶toast同麥包等等，另外仲有d cold cut 芝士,，熱食同pastry，價錢 KRW 13500 包一杯飲品 。而這隻有名的羊比舊店大一部有多，走歐式簡約路線。餐廳採用落地玻璃，充分利用日光，令空間感更大。 　　每張台都有一樽花加埋餐廳的設計同decoration 絕對係食野同打卡既好地方 唔只咁 , Famous Lamb 仲有自己的Roaster, 而家仲有咖啡豆賣。 Buffet Table 地址:  마포구 서교동 월드컵북로 19 19 World cup buk-ro, Seogyo-dong, Mapo-gu, Seoul 電話:  +82 2-334-2352 營業時間: 08:30 - 23:00  (新年及中秋節休息) 前往方法: 弘大站1號出口走大概5分鐘 2. Mon Cafe Gregory  (韓文: 몬카페그레고리 ) 位於上水站的Mon Cafe Gregory是走絕對法式復古咖啡室路線，像是哈爾移動城堡似的，行過左就搵唔到個門口。Cafe 有兩層，搵到門口上一層是一個小雅閣，放左 2, 3張台然後就係收銀台同廚房，再往上走是一個閣樓，面積比第一層大。 除左門牌唔太明顯唔易搵之外 ，一入門，你會發現連接coffee shop 的是一條長長窄窄的樓梯。唔好以為咁就好似secret place 咁，都好多本地人識搵上門。室內設計同擺設都好精緻，完全感覺到店主放左好多心思係上面。  Mon Cafe Grocery 其實最出名係甜點，聽說所有用料都係來自法國同日本的喔！但係今次好可惜地無緣食

近幾年無論台灣出現好多文青小青新打卡的地點,當中表表者唔駛問一講起大家會想起台中。但其實台北而家都不遑多讓。 今次等我地黎尋找一下台北文青風又比較local既打卡熱門地。 1. 新富町文化市場 這是日治時期的建築物，而家活化成一個複合型態的創意文化基地。這家市場不大，但有 feel 既 spots 有好多內至coffee shop 外至市場旁的民宅也有風格不同的點可以拍攝。吸引左好多台灣的年青人同家庭黎潮聖。以我觀察，當日應該只有我地係遊客。 文化市場內最受歡迎個位應該係呢個天井。 多人時真係有條少少既人龍。  　　 門口影close up 又得( 無錯,個background 其實系係上面張相,單車隔離) 市場外 2. 剝皮寮老街 是台北市碩果僅存的清代街道之一。而家政府列為古蹟再利用。 3. 龍山寺 呢個應該唔駛點介紹大家都知知地。建於乾隆期間, 是法定古蹟亦是宗教勝地。寺內一直香火鼎盛, 信眾絡繹不絕。聽講月老特別靈添。 建議行程: 龍山寺 > 剝皮寮老街 > 新富町文化市場( 詳細行程容後再post) 4. 農禪寺 是法鼓山的寺，在學佛修行禪修界享負盛名。他以＂水中月，空中花＂為題的摩登同時佛理兼容的建築風格和寺外的水月道場，與一般寺廟不同。因此吸引不少年輕人去參觀同拍攝。 如果你有睇開台灣一d instagram blogger , 你會發現而家除左新富町文化市場之外，農禪寺係另一個hit 點。 不過溫馨提示返，農禪寺始終都係佛門清靜地，大家記我得盡量放慢腳步同將音量收細呀。 4. 少帥禪園 其實是張學良幽禁舊居。環境不錯,但去既時候已經黃昏, 無咩影到人。 建議行程: 農禪寺> 少帥禪園> 北投(浸溫泉) -  ( 詳細行程容後再post)

上次travel 台北已經是6年前的事, 也是跟家人一起來。 位於大安站的富藝旅,前身是銀行宿舍,藏身於民住區。改建時特意保留原建築風格,傳承老建築 歷史文化, 所以剛走入小區時, 一點違和感都沒有。 富藝旅上年6 月才正式開業,位置相當方便走3-4分鐘便到捷運站, 我數過,周邊至少有4家便利站 ( 7-11 x 2 & Family Mart  x 2) + 一家屈臣氏,。小區內也有些咖啡店和local 餐廳。而且去東區商圈非常快捷,只需要坐一個站便到忠孝復興。  看上去有點像 service apartment, 同埋有似走Swire Hotel d 路線,不過係親民版。一間standard room double bed + 10% 之後800幾蚊左右。 酒店集合藝術,文化,美食於一身。設計融入不少年輕藝術家的作品。另外有一個area 專門出售佢地的作品，而且定期會有作品展。 房內係無特別的衣櫃，但有個衣架係床的旁邊。而下面個櫃內係一個保險箱。 每間房內有一張關於台灣生活或者文化的作品相都是由台灣50位藝人操刀拍攝的，讓大家旅行的同時更了解這個地方。 這個是我最喜歡的corner, 成個感覺很chill and artistic。 房間不算很大，但勝在有格調和五臟俱全，提供的茶包及咖啡，洗手液，以至沖涼用品也是精心挑選。 茶有小茶栽堂黑茶或綠茶的選擇;咖啡是掛耳包的，分別有中美洲的或非洲的選擇。它們都是台灣本地生產的。   房間充份的利用了每一個角落，茶水用品旁邊是洗手盤，而下面是小雪櫃和擺放了毛巾拖鞋的開放式櫃子。      沖涼液，洗頭水同護駛素亦都係絕不欺場，都係本土製作。選用左綠茶同金盞花的產品，真  的唔係hea 你。  講完房，容許我放多2 張 Lobby 既相。因為我真係覺得佢地既傢具同擺設好靚。 富藝旅台北大安 地址: 101 台灣台北市大安區信義路四段30巷23號 電話: +886 2 6626 0658 網址: http://www.folio-hotels.com/daan/index2.asp