曼谷 ● 尋咖啡
曼谷呢幾年飲食業發展超速, 連埋咖啡都一樣。 而家去果度 3 日coffee hopping 都飲唔哂呀! 好多店除左咖啡好, 食物好之外, 有d 仲有正的影相位! 亦都係當地hit hit 的Coffee shops! Boyy & Son Cafe 如果你有留意泰國潮牌BOYY 又對佢十分欣賞的話, 黎到 Boyy & Son Cafe你一定會好歡喜。 咖啡站位於Gaysorn Village 內, 毗鄰 BOYY 曼谷Flagship。 秉承品牌特色, 店內設計走低調的簡約型格路線, 同時亦加入一點點意大利的復古味道。由傢俬到杯碟用具,你都會睇得出花左唔少心機，基本上360度零死角! 不過由於座位數唔係好多, 所以可能要排一陣隊。咖啡同非咖啡類飲品都不錯,但食物選擇只有少量,所以建議唔好餓住去啦。附近係 Central World 同我地中意換錢的Super Rich。行完街街, 或者身水身汗行去唱錢坐底飲杯野就 perfect 池啦。 地址: Gaysorn Village, G/F, Ploen Chit Road, Lumpini, Patumwan, Bangkok 營業時間: Mon - Sun / 9am - 8pm 電話: +66 0-2253-8300 IG: boyyandsoncafe 前往方法: 1. Chit Lom BTS 站下車, 向Central World 方向走約 4分鐘 2. Siam BTS 站落車,穿過往Central World 的行人天橋, 過對面馬路 Factory Coffee - Bangkok 相信咖啡行內對呢間 Coffee shop 都有一定唔會陌生。因為佢地曾經係國內外都得到過唔少獎項。無論你想飲普通 Espresso咖啡如: Latte, Flat White, Cappuccino etc、招牌創意咖啡(部份更會行埋黎沖比你睇)、手沖、買豆、 Cold brew bottle同 White coffee bottle 都一應俱全, 而且蛋糕同牛角酥都係行外國風的吸晴。 Signature coffee: Supreme 是必試的! Sign